नेपाली मूल पाठ
अगुवा संस्थाको काम, कर्तव्य र अधिकार देहायबमोजिम हुनेछ :-
(क) सह-वित्तीयकरणमा सहभागी सदस्यहरुको अगुवा तथा प्रतिनिधि (एजेन्ट) को रुपमा काम गर्ने,
(ख) सह-वित्तीयकरणमा सहभागी सदस्यहरुको बीचमा समन्वय गर्ने र आवश्यक पत्राचार गर्ने,
(ग) सह-वित्तीयकरण समूहको बैठक कम्तीमा छ महिनामा एकपटक अनिवार्य रुपमा बोलाउने,
(घ) कुनै विशेष कारण परी सह-वित्तीयकरण समूहको कुनै सदस्यले समूहको बैठक बोलाउन माग गरेमा पन्ध्र दिनभित्र बैठक बोलाउने,
(ङ) परियोजना विश्लेषण गर्ने, प्रतिवेदन तयार गर्ने र सो प्रतिवेदनको प्रति सह-वित्तीयकरणमा सहभागी सदस्यहरुलाई उपलब्ध गराउने,
(च) परियोजनाको लागि अल्पकालीन कर्जा माग भएमा सोको आवश्यकताको विश्लेषण गर्ने,
(छ) सह-वित्तीयकरणमा सहभागी सदस्यहरुको सहमतिका आधारमा सह-वित्तीयकरण सम्बन्धी सम्झौताको शर्तहरु तयार गर्ने र त्यस्ता शर्तहरुको एक/एक प्रति सबै सहभागी सदस्यहरुलाई उपलब्ध गराउने,
(ज) कर्जा सापट तथा सुविधा प्रवाह गर्नका लागि आवश्यक कागजात तयार पार्ने,
(झ) धितो रोका राख्ने व्यवस्था मिलाउने तथा बीमा लगायतका लगानी सुरक्षित गर्ने सम्बन्धी सम्पूर्ण कार्यहरु गर्ने,
(ञ) कर्जा सापट तथा सुविधा सुरक्षण सम्बन्धी सम्पूर्ण कागजातहरु सुरक्षित राख्ने र त्यस्ता कागजातहरुको प्रतिलिपि सबै सहभागी सदस्यहरुलाई उपलब्ध गराउने,
(ट) समय-समयमा ऋणीबाट आवश्यक तथ्याङ्क तथा अन्य सूचनाहरु प्राप्त गर्ने र सो सूचनाहरु सबै सहभागी सदस्यहरुलाई उपलब्ध गराउने,
(ठ) समय समयमा सहभागी सदस्यहरुको सहभागितामा परियोजनाको स्थलगत निरीक्षण गर्ने र निरीक्षण प्रतिवेदन तयार गर्ने तथा सो प्रतिवेदनको प्रतिलिपि सबै सहभागी सदस्यहरुलाई उपलब्ध गराउने,
(ड) कर्जा सापट तथा सुविधा प्रवाह गरिएको परियोजनाको समय समयमा कार्यसम्पादनको मूल्याङ्कन गरी सोको जानकारी सबै सदस्यहरुलाई गराउने,
(ढ) सहभागी सदस्यहरु समान रुपमा कर्जा नोक्सानी व्यवस्था कायम गर्ने व्यवस्था मिलाउने,
(ण) सह-वित्तीयकरण सम्बन्धी यस बैंकमा पठाउनु पर्ने सम्पूर्ण सूचनाहरु पठाउने, सह-वित्तीयकरणका बारेमा अगुवा संस्थाको रुपमा र अन्य सदस्यसँग सदस्यहरुको तर्फबाट समेत यस बैंकमा आवश्यक पत्राचार गर्ने र सोको जानकारी सबै सहभागी सदस्यहरुलाई दिने,
(त) ऋण नतिर्ने ऋणी उपर कुनै किसिमको कानूनी कारवाही अगाडि बढाउनु पर्ने अवस्था आएमा सह-वित्तीयकरण समूहको बैठकबाट सोको निर्णय गराई आवश्यक कानूनी कारवाही अगाडि बढाउने,
(थ) आफ्नो भूमिका निर्वाह गरेबापत निर्देशन नं. २० ले तोकेको बमोजिमको सेवा शुल्क सम्झौतामा सह-वित्तीयकरण समूहले निर्णय गरे बमोजिम सेवा शुल्क लिन सक्ने,
(द) सह-वित्तीयकरण अन्तर्गत लगानी गर्न कबुल गरेको रकम कुनै सदस्यबाट वितरण गर्न ढिलाई भै सो रकम सहभागी सदस्यको तर्फबाट अगुवा संस्थाले आफ्नो प्रतिश्रुत कर्जा सीमाभित्र रही प्रवाह गरेमा साँवा रकम र ढिलाई गरेजतिको अवधिको ब्याज तथा सह-वित्तीयकरण समूह बीचको सहमतिमा निर्धारण गरिएको बमोजिम हर्जाना समेत ढिलाई गर्ने सहभागी सदस्यबाट असुलउपर गर्न सक्ने,
(ध) सह-वित्तीयकरणको व्यवस्था मिलाउँदा हुने विभिन्न खर्च लगायत ऋण नतिर्ने ऋणी उपर कानूनी कारवाही अगाडि बढाउँदा हुने खर्च ऋणीबाट असुल हुन नसकेमा सबै सहभागी सदस्यहरुबाट लगानी गरिएको कर्जा रकमको अनुपातमा असुलउपर गर्न सक्ने,
(न) कर्जा सापट तथा सुविधा प्रदान गर्नु अघि कर्जा सूचना केन्द्रबाट ऋणीका सम्बन्धमा आवश्यक सूचना लिनुपर्ने र यसरी सूचना लिँदा कर्जा सूचना केन्द्रमा परेको वा निजले कुनै कर्जा यथासमयमा चुक्ता नगरेको भएमा कर्जा प्रवाह गर्न नपाइने,
(प) सह-वित्तीयकरण सम्बन्धी सम्झौतामा उल्लेख भए बमोजिम ऋणीलाई यथासमयमा कर्जा सापट तथा सुविधा उपलब्ध गराउने,
(फ) यस बैंकको निर्देशनको अधीनमा रही सह-वित्तीयकरण समूहको बैठकको निर्णयानुसार अन्य आवश्यक काम कारवाही गर्ने ।
Controlled English translation
The functions, duties and powers of the Lead Institution shall be as follows:
(a) act as the lead and representative (agent) of participating members;
(b) coordinate among participating members and carry out necessary correspondence;
(c) mandatorily convene a meeting of the consortium group at least once every six months;
(d) where any member requests a meeting for a special reason, convene the meeting within fifteen days;
(e) analyse the project, prepare a report and provide copies to all participating members;
(f) where short-term credit is requested for the project, analyse the requirement;
(g) prepare the terms of the consortium financing agreement on the basis of consent of participating members and provide one copy to each member;
(h) prepare documents required for extension of loans, advances and facilities;
(i) arrange creation/registration of security and perform all activities relating to protection of investment, including insurance;
(j) safely retain all documents relating to loans, advances, facilities and security and provide copies to all participating members;
(k) obtain necessary data and other information from the borrower from time to time and make such information available to all participating members;
(l) periodically carry out on-site inspection of the project with participation of members, prepare inspection reports and provide copies to all members;
(m) periodically evaluate performance of the financed project and inform all members;
(n) arrange for participating members to maintain loan-loss provisions uniformly;
(o) submit to this Bank all information required in relation to consortium financing, carry out necessary correspondence as Lead Institution on its own behalf and on behalf of members, and provide such information to all participating members;
(p) where legal action must be initiated against a defaulting borrower, obtain a decision of the consortium group meeting and proceed with the necessary legal action;
(q) charge the service fee prescribed by Directive No. 20 for performing its role, as decided by the consortium group in the agreement;
(r) where a member delays disbursement of the amount it committed to invest and the Lead Institution disburses that amount on the member’s behalf within its own committed credit limit, recover from the delaying member the principal amount, interest for the period of delay and any compensation agreed by the consortium group;
(s) where expenses incurred in arranging consortium financing or in taking legal action against a defaulting borrower cannot be recovered from the borrower, recover such expenses from all participating members in proportion to their investment;
(t) before extending loans, advances or facilities, obtain necessary information regarding the borrower from the Credit Information Centre, and where the borrower is adversely reported or has failed to repay any credit on time, do not extend credit;
(u) make loans, advances and facilities available to the borrower on time in accordance with the consortium financing agreement; and
(v) subject to directives of this Bank, carry out other necessary activities pursuant to decisions of the consortium group meeting.
